عود كبريت على عود كبريت 
...
يا مضلِّم لمبات البيت ..

و مطفِّى العواميد ف الشارع
 ..
و أسانسير محبوس ف التاسع ..

التلاجة خلاص بتنازع

و المروحة خبطت ف الحيط ..

و نسينا كمان الحنفية ...

و البانيو قلبناه نملية ..

و المصرى الغلبان القانِــع
 ..
أبو نيل و بحيرات و منابع
 ..

بيروح يتوضى من الجامع ..

و بيشرب شاى بالتنقيط ..


يا سيادة الباشا المسئول 
..
الوضع خلاص مش معقول ..

صوتنا العالى مسمَّعكوش ..

عِدنا و زدنا و مفهمتوش ..


انتوا البُعدا مبتحسوش ؟؟

و اللا أخدتوا على التبليط ؟؟